Ờ mìng là dơ̆ nàng hòi jà jơh gùt làng bol tus bal tàp pràn să jan, yal tơngĭt rùp hin ƀòn dờng Buôn Ma Thuột- càr Dăk Lăk tus mờ làng bol mờ năc lòt nhơl in, dơ̆ pơrlòng ntoăt Dăk Lăk Marathon gam geh gơtha kwơ màng mpồl bơtiàn gơwèt mờ broă lơh kes priă nàng pà priă bơsram, bảo hiểm y tế ai kơnòm bơsram geh rài kis kal ke in mờ dong kờl lơh hìu ơm dong kờl kòn bơnus ai ală hìu bơnhă cíñ sác kal ke bè hìu ơm in.Mờr 2 rơbô nă cau tus bal pơrlòng ntoăt Dăk Lăk Marothon nam 2023

Tơn jơh dơ̆ pơrlòng ntoăt, Mpồl bơyai lơh neh jàu ală khà 1, 2, 3 ai ală cau ntoăt jak ngan rlau jơh tàm 3 dơ̆ ntoăt in. Mờ kung jàu priă dong kờl lơh 1 hìu ơm kờñ gơboh kòn bơnus, dong kờl kes priă bơsram Sòl àng bơta kơ̆p kờñ bơh Tỉñ đoàn Dăk Lăk dê, pà khŏ, rơndeh coh mờ pà phan ai kơnòm bơsram rƀah in sơr lèt gan kal ke.

Tác giả: Cau mblàng K’Hạnh/VOV Tây Nguyên

Nguồn: vov4.vov.vn

Ngày đăng: 22/5/2023

Link bài viết gốc: https://vov4.vov.vn/kho/jonau-tonggit-mpol-botian-thoi-su-xa-hoi/mor-2-robo-na-cau-tus-bal-porlong-ntoat-dak-lak-marathon-nam-2023-418505.vov4